طريقة عمل صينية قرع عسلى بالبشاميل خفيفه وصحيه حصريا مع ماما نونا وبالصور ~ ماما نونا

كلنا نعرف القرع العسلى واد ايه هو مفيد جدااا

كفايه لونه التحفه يفتح النفس

النهارده هنعمل سوا صينية قرع عسلى خفيفه وصحيه

يعنى هنستفيد من الفيتامينات اللى فيه ونبعد عن الدهون شويه

المقادير

1 ثمرة قرع عسلى متوسطه

2 كوب سكر

البشاميل

1كوب لبن

4 معالق دقيق

2 بيضه

معلقة فانيليا او قرفه

المكسرات حسب الرغبه

زبيب وجوز هند وسودانى او فستق او عين جمل

الطريقه سهله جدا وبسيطه

بنقطع ثمرة القرع مكعبات بعد ما نكون قشرنها وشيلنا البذر من قلبها

فى طبق عميق نحط كمية السكر على القرع المقطع

ونسيبها فى التلاجه 4 ساعات

انا عن نفسى بعملها بليل وابيتها لتانى يوم

بعد كده بنلاقى فى سائل كتير ولزج بقا موجود حوالين مكعبات القرع

نضع الوعاء على البوتجاز على عين هاديه حتى ينضج القرع

بعد ما يستوى وطبعا هنعرف لما نختبره بالشوكه ونلاقيه لين

هنصفى السائل فى وعاء تاني ونحتفظ بالقرع المستوى فى وعاء لوحدوا

دلوقتى معانا وعائين واحد فيه القرع وواحد فيه السائل

الوعاء الاول اللى فيه القرع نضيف عليه الزبيب والمكسرات وجوز الهند

الوعاء التانى اللى فيه السائل هنستخدمه للبشاميل الخفيف اللذيذ الصحى بتعنا

طريقة البشاميل

نحط السائل على النار ...نجيب كوب اللبن مع 4 معالق دقيق ونقلب كويس ولما السائل يغلى ننزل بالخليط عليه

ونقلب بسرعه

هيعمل معانا بشاميل خفيف وصحى اكتر من غير سمن ولا دهون

ولما نرفعه من على النار ويهدا شويه ننزل عليه بالبيض والفانيليا

ونقلب حتى يتم الدمج ونضيف نصف البشاميل للوعاء الاول الموجود به القرع ونقلب الخليط جيدا ثم نصبه فى صينيه متوسطه

والنصف الاخر من البشاميل نضيفه على وش الصينيه

وندخلها فى فرن درجة حرارته عاليه وبعد احمرار الوجه بنخرج الصينيه

والف هنا ..اتمنى الطريقه تعجبكم ماما نونا

ماما نونا