الزبده البلدى لا يعلوا عليها فى الطعم والريحه
الله عليها فى اكلاتنا الجميله
لكن للاسف بقت تتغش بطرق كتير وبينضاف عليها مواد تضرنا
عشان كده قلت اعمل الموضوع دا ونتعلم نعمل سوا الزبده البلدى دى بقا من وصفات جدتى
الطريقه بسيطه جدا والنتيجه هايله جدا
كلنا بنشترى لبن وبنغليه ونحطه فى التلاجه
لما يعمل طبقة القشطه ننزعها بالمعلقه ونجمعها فى طبق او علبه
ونحطها فى الفريزر
مره على مره كمية القشطه المتجمعه هتزيد معانا
نجيب بقا طبق غويط ونفرغ فيه كل كمية القشطه اللى جمعناها فى الفريزر
ونكون غسلين ايدينا كويس جداااا جداااا لان دى انسب طريقه
وندعك القشطه كويس دا بطريقه دائريه وفى اتجاه واحد
بعد فتره من الدعك والضرب المستمر هتلاقى سائل ابيض فصل منك وفى ايديك احلى زبده بلدى من صنع ايديك
والف هنا ..جربوا وادعولى..ماما نونا
ConversionConversion EmoticonEmoticon